World Time (عزبة الجربوعة)

Wednesday, November 28, 2007

عايش في الأوهاااااااااااااااااااام

والله يا خواننا انا مانا عارف انا ايه اللي حاصلي .... فجأة كده لوحدي وبدون سابق انذار حسيت باحساس غريب جدا
احساس أول مرة أحس بيه في حياتي .... على رأي محمد سعد في نهاية فيلم اللي بالي بالك (أنا بقيت عامل زي صنية الكنافة اللي محشية طرشي)
حاجات كتير حصلتلي في حياتي
وقفات كتير وقفتها مع نفسي
خلتني أحس باحساس وحش أوي
خلت حالتي النفسية تعبانة مووووووووت
بس المشكلة ان لما الناس بتسألني مالك ؟؟؟
أنا مش بعرف أرد عليهم أقول ايه .... وده مش لأاني عايز أخبي والله .... المشكلة أني ذات نفسي مش عارف انا فيا أيه
ناس كتير بتحبني ويهمهم أمري أتكلموا معايا في الموضوع ده مرارا وتكرارا وأقنعوني بحاجات كتير عشان يهدوني من الحالة اللي أنا فيها .... بس في الاخر أديني برجع تاني لنفس الحالة اللي كنت عليها
المشكلة ياخواننا اني متخصص في الاكتئاب من زمان وكتيييييييير جاتلي حالات نفسية وحشة جدا
بس المرة دي غير .... "انها مختلفة كليتا هذة المرة"ا
مش عارف ايه الاحساس اللي جوايا
حاجة بتقولي اني مش عايش
حاجة بتقولي اني مش في المكان الصح
حاسس أني وحيد وماليش حد في الدنيا دي رغم ان الناس حواليا كتييييير
مش قادر أوصف الحالة اللي أنا فيها غير اني عايش
مجرد عايش .....
في الأوهاااااااااااااااااااااااااااااااااااااااام

3 comments:

Gihad N. Sohsah said...

عارف كل الناس ساعات كتير بيحسو بالأحساس دة....وفي رأيي أن الأحساس بأنك تعبان ومتضايق ومش عارف السبب دة ممكن يكون كاذب ليه؟لأن الواحد أكيد بيكون عارف بس ياإما هي أسباب كتيييييييييييير صغيرة وتافهة واتجمعت فوق بعضها..وعملت حزن كبير مالوش حل..يا إما حاجة واحدة انت عارفها بس مش عايز تعترف بيها لنفسك..ياإما حاجة بتعملها من ورا ضميرك..وبتحاول تقنع نفسك بيها بس عقلك مش هيسيبك في حالك

Hamada Object said...

صانعة الاحلام السلام عليكم ورحمة الله وبركاته وشكرا جزيلا على تعليقك الجميل وعلى فكرة كلامك اللي قولتيه كله مظبوط مافيش كلام وفعلا انا اللي عندي ده عبارة عن نوعين من التلات انواع اللي قولتي عليهم (هي أسباب كتيييييييييييير صغيرة وتافهة واتجمعت فوق بعضها..وعملت حزن كبير مالوش حل..يا إما حاجة واحدة انت عارفها بس مش عايز تعترف بيها لنفسك) والمهم من ده كله ان الواحد يجتاز المرحلة دي بسهولة ... والاهم انه يرجع اقوى من الاول

Gihad N. Sohsah said...

أيوة كدة خليك متفائل...الأهم فعلا انك ترجع أقوى من الأول