عم سعيد

السلام عليكم ورحمة الله وبركاته

أزيكم ياأصدقائي اللي مش موجودين

ريلي أي ميس يو تو مطش

وبصراحة مش عارف أقولكم أيه بس كان لازم أجي واقولكم النهارده

لأني خنقتكم مني ومن حالتي لما بكون تعيس ومتضايق و"عايش في الاوهام " وحالتي بالبلى

فمش معقول بقى لما اكون منشكح ومبسوط والدنيا مش سايعاني ماقولكوش

النهارده أكتشفت اني أعرف واحد أسمه عم سعيد ( على فكرة عم سعيد ده من أعز أصدقائي) وهوا الميكانيكي اللي جنبنا

ممكن كده تقولوا الميكانيكي بتاعي

على فكرة عم سعيد ده ميكانيكي شاطر جدا مافيش عربية بتقف عنده نص ساعة على بعضها

بعد كده ياتولع يا اما تبقى حتت حتت كده

المهم

مش عارف ايه اللي خلاني النهارده افتكر عم سعيد ده وكل شوية ينط في دماغي المهم ان اللي فكرني بيه

اني ولأول مرة في حياتي يا خواننا





لأول مرة





أقدر أقولكم

















بكل أسف



































أني سعييييييييييييييييييييييييييييييييييييييييييييد

سعيد لدرجة أني مش قادر أبعبر عن السعادة اللي جوايا دي

مش عارف أعمل ايه

ضحكت كتيييييييييييييييييييييييييييييير

وعيطت كتيييييييييييييييييييييييييييييييييييييييييييييييييييييييير

ومشيت أكلم نفسي في الشارع لغاية أما الناس فكروني مجنون

ولسه سعيد وشايف اني معبرتش عن السعادة اللي جوايا

انا سعيد أكتر من عم سعيد اللي هوا اساسا أسمه سعيد وهوا دايما سعيد وده لأني شايف أني سعيد وان الناس كلها سعيدة

النهارده من سعادتي عزمت أمي على أتنين شكولاتة مش عارف اسمها أيه بس كانت حلوة

أمي لغاية دلوقتي مش مصدقة أني عزمتها عشان سعيد بس فاكراني عايز منها حاجة

يلا محدش عارف الخير فين

محدش عنده حاجة ممكن تتعمل لما الواحد يكون سعيد ؟؟؟

انا أول مرة يا خواننا بجد أحس أني سعيد بالشكل ده

انا بجد سعيد

سعييييييييييييييييييييييييييييييييييييييييييييد

سي يو هابي

ان شاء الله

محدش عارف الخير فين

بلدنا رايح جاي الجزء التاني

مساء الخير يا بني أدمين
مش عارف الواحد اليومين دول مبقاش بيلاقي حاجة يكتبها ليه
بس مش مشكلة محدش عارف الخير فين
لما بحس الاحساس ده بكتب بعد كده مواضيع تكسر الدنيا
بتسكر الدنيا جدا جدا لدرجة ان مافيش حد بيقراها اساسا ... فطبعا أكيد فيه حد من الناس اللي بتقرا اللي هي أساسا مش موجودة أصلا هايقولي محدش عارف الخير فين
هوا الموضوع بمنتهي الصراحة يا خواننا اني حسيت النهارده باحساس غرييييييييييييييييييييب
مش عارف ايه أخرة الأحاسيس الغريبة دي معايا شكلي كده عايز أغير طقم الكهربا كله مش أبلاتين وكوندنسر
المهم يعني اني حسيت النهارده أعزكم الله أني شبه الحيوان اللي بيعمل حاجات وحشة دي وبيقعد ينهق طول النهار ده
ٌقولتولي اسمه أيه ؟..... ايوة هوا الحماااااااااار ده
عمال الف وادوووووووووووور حوالين الساقية وانا زي مانا
رايح جاي ... جااااااااااااااي رايح
أنا أسف جدا يا جماعة ... ريلي ايم فيري سوري
أنا حاولت كتير وبذلت أقصي ما بوسعي
بس للأسف واضح أني مضطر أعيش بحالتي دي (شبه الحيوان ايااااااه) فترة من الزمان
بصراحة التغيير صعب دلوقتي .... وللأسف صعب كمان شوية ... وعلى فكرة صعب المرحلة اللي جاية
بعد كده بقى محدش عارف الخير فين

لو لقيت البني ادم اللي يساعدني اني أخرج من الحالة دي يبقا ربنا بيحبني
بس خلوني يا قرائي الاعزاء اللي مش موجودين أساسا
خلوني أسألكم سؤال صغنون كده
مين فيكم بقى حاسس بنفس الاحساس اللي انا بحس بييييييييييه ؟؟؟؟؟؟؟؟
أااااااااه ... انا شايف ناس ابتدت تحضر نفسها عشان أول مادير وشي تفك على برا طوالي
بس كويس .... كويس جدا جدا اني مش لوحدي
أصلي بيني وبينكم مش بحب الوحدة .... بحب دايما كون مع الجماعة
سي يووووووووووووو
مستر حمادة برسيم

بلدنا رايح جاي

السلام عليكم .. كيف حالكم .... واحشنني والله عاملين ايه ... الله يمسيكم بالخير بقى ..., مع السلامة

هااااااااي ... هاو أر يو مان .... يو أر ويلكوم ... سي يوووووووو . غور كتك داهية

والله الواحد ماعارف يقول ايه ... طب أكتب أيه بس يا خواننا ... بتجيلي حالة كده غريبة جدا

الحالة الغريبة دي بتفقد البني ادم القدرة على الانتاج نهائيا

زي ما تقولوا كده بعيد عنكم الأبلاتين والكوندنسر عايزين يتغيروا

الحالة دي جتلي (بعيد عنكم) مرة وكنت واقف في الرجيستريشن بتاع تدريب بملا استمارة الاشتراك في التدريب انا وواحد صاحبي والاستمارة مافيهاش أسئلة غريبة نهائيا يعني مثلا مكانش فيها سؤال بيقول مين أول واحد عدى البحر وماتبلش او مين اللي وقع من الدور التلاتاشر ومماتش ولا حاجة من دي

الأسئلة كلها كانت الاسم والتليفون والايميل وهكذا وهلم جرا

واذا بالابلتين يقطع كهربا وانا لسه بحط القلم عشان أكتب أسمي

مسكت القلم مش عارف اكتب ولا كلمة والناس ابتدت تبصلي ولسان حالهم بيقول (شايف العبيط اللي مش عارف يكتب أسمه هناك ده ... كتها نيلة اللي عايزة خلف من العينة دي) محدش عارف الخير فين

وعشان الموقف بقى محرج للغاية روحت ضارب بعيني في ورقة صاحبي ودون تفكير روحت راشق اسمه قدام خانة الاسم

والحمد لله اني فوقت قبل ما أنقل التليفون والايميل كمان والا كانت هاتبقى فضيحة بجلاجل

عالعموم محدش عارف الخير فين

بس ياريت يا خواننا لو حد يعرف يجبلي ابلاتين وكوندنسر استعمال نضيف ويكونوا حنينيين في السعر ده يبقى عمل فيا جميل كبير قوي

كان معكم عضو رابطة الزهيمر المصرية من داخل فوهة البركة السودا اللي في اخر الطريق يمين

حمادة أوبجكت

سي يوووووووو...... فيري جودباي

ولا عزاء للسيدات ولا الرجال حتى

عملوها الوحوش وجابوا الكاس

الف وخمسمية وأربعين سلام لرجالة مصر وأبطال افريقيا ربنا يحميهم يارب

ما تتخيلوش يا جماعة أزاي الرجالة دول فرحوا 80 مليون بني ادم

انا نزلت الشارع بعد مطش مصر والكاميرون على طول وحسيت بسعادة متناهية تمنيت ساعتها ان مصر تلعب كل يومين مع الكاميرون وتكسب بس محدش عارف الخير فين

الناس محترمة جدا ومافيش حد بيتخانق وروح عالية جدا ومحدش بيشتم أي حد يزنق عليه بالعربية ولا فيه أي كلام من ده خالص

كان فيه عربية أسعاف فيها حالة خطيرة تقريبا وكانت مستعجلة وبالرغم من ان الدنيا زحمة مووووووووووووت العربيات كلها وسعت في منظر حضاري معتقدش اني شوفته قبل كده

بحبك يا بلدي يا أجمل بلد في الدنيا كلها وفيكي أحسن ناس في الناس اللي في الدنيا وكل سنة وانتوا طيبين وعقبال كاس العالم ان شاء الله يا رب قولوا أمييييييييييييييييييييييييييييين