الف وخمسمية وأربعين سلام لرجالة مصر وأبطال افريقيا ربنا يحميهم يارب
ما تتخيلوش يا جماعة أزاي الرجالة دول فرحوا 80 مليون بني ادم
انا نزلت الشارع بعد مطش مصر والكاميرون على طول وحسيت بسعادة متناهية تمنيت ساعتها ان مصر تلعب كل يومين مع الكاميرون وتكسب بس محدش عارف الخير فين
الناس محترمة جدا ومافيش حد بيتخانق وروح عالية جدا ومحدش بيشتم أي حد يزنق عليه بالعربية ولا فيه أي كلام من ده خالص
كان فيه عربية أسعاف فيها حالة خطيرة تقريبا وكانت مستعجلة وبالرغم من ان الدنيا زحمة مووووووووووووت العربيات كلها وسعت في منظر حضاري معتقدش اني شوفته قبل كده
بحبك يا بلدي يا أجمل بلد في الدنيا كلها وفيكي أحسن ناس في الناس اللي في الدنيا وكل سنة وانتوا طيبين وعقبال كاس العالم ان شاء الله يا رب قولوا أمييييييييييييييييييييييييييييين
8 comments:
عملوها الوحوش
وانتصروا في حرب اكتوبر اتنين و خمسين
هييييييه
تشوف فرحة الناس يات عمنا
تحس إن احنا خلاص حررنا فلسطين
ايه دا يا جدعااااان
لما جه الجون الأول سمعت تكبير و تهليل و ناس سجدت
أنا حسيت بإن إحنابفضل الله المهدي المنتظر جه
وفتح رومية
وسقطت رومية و انتصرنا يا جدعاااااان
ولما جه الجون التاني
تهليل اكتر و تكبيرااات كتيرة
حسيت بقا إن الموضوع اكبر من المرة اللي فاتت
دا المهدي المنتظر فتح القدس و انتصر على المسيخ الدجال
يبقا خلاص الدنيا هتبقى ربيع و الجو بديع
بجد
لا مؤخذة يا حمادة كتها نيلة اللي عاوزة خلف
هو آآآه إحنا فلاحانين عشان مصر جابت جووون
وإن مصر فازت على ساحل العاج ولا بتسموها الكاميرون
بس خييير
ننزل الشزوارع و نحتفل بالنصر و نقسم الغنائم و ناخذ السبايا و هيييييه
خير خير خير
محدش عارف الخير فين
مساء الخير يا معلم أبو المفاتيح
أولا يظهر انك كنت بتحلم باين ولا ايه لأن المطش أساسا خلص واحد صفر يعني مكنش فيه جون تاني زي مانت بتقول
وبعدين اللي انا فهمته من كلامك انك مش بتتكلم على كاس أفريقيا انت بتتكلم على الكورة اساسا وانت معترض على اننا نفرح أو ننبسط لما مصر تفوز بكاس أفريقيا
ومش عارف ليه برضه كل الهجوم ده منك وكلامك اللي محسسني اننا ماينفعش نفرح وننبسط وبقى كويسين الا لما المهدي المنتظر ينزل ويفتح فلسطين والعراق
بس خليني اسألك سؤال جاوب عليه مع نفسك
انت مافرحتش قبل كده بأي حاجة تانية
وماتقولش لا عشان مافضحكش
انت حصلتلك حاجة ممكن الناس كلها تشوفها تافهة ولو حكيتها لأي حد ينزل فيك تريقة ومع ذلك حولت حياتك كلها تقريبا مية وتمانين درجة من واحد متشائم وبيشتم في البلد الى "كن منشركحا تري الكون مظأطاطا" وعظيمة يا مصر ومش عارف ايه
صدقني يابني مش هاتبقى كبير لما تترفع عن الكلام ده وتقف والناس كلها فرحانة تقولهم انتوا كلكم ناس عبيطة
انت هاتبقى اكبر بكتير لما تشاركهم فرحتهم دي حتى لو كانت بحاجة عبيطة
وحتى لو كان كلامك ده عشان انت ملكش في الورة كنت تعالى شوف امي امبارح وهي بتتفرج عالمطش وهي ماتعرفش مصر بتلعب مع مين ولا فين بس عارفة ان مصر بتلعب وخلاص
امي امبارح من أول ما المطش ابتدى وهي أول مايجي حد في الصورة تسألني ده مين اقولها اسمه تقعد تدعيله لغاية اما يجي غيره وبالذات الحضري ... أخد شوية دعاء امبارح
لو ماتعرفش يا ابو المفاتيح أحب اقولك ان الكورة دي تعتبر الحاجة الوحيدة دلوقتي اللي ممكن تلم طوائف الشعب حوالين بعضهم وساعتها نبقى نفكر ازاي نحرر فلسطين لما نبقى مع بعضنا متجمعين
وعلى فكرة برضه الكلام ده مش عندنا بس وأبقى اسأل على جاك شيراك رئيس فرنسا القديم كان عامل ايه لما فرنسا كانت بتلاعب البرازيل في نهائي كاس العالم
محدش عارف الخير فين
انا حاخد كلمة واحدة بس قلتها يا اوبجت
لما نعرف كلنا نتجمع زى ما تجمعنا كدة كلنا فى الماتش نبقى نعرف نحرر فلسطين
تحياتى
مجموعة مطاعم عزو تتقدم بخالص التهنئة للشعب المصرى بمناسبة فوز المنتخب ببطولة افريقيا وتقدم بمناسبة هذا الفوز العظيم اشهى المأكولات العرببية والاجنبية وبتخفيض يصل الى 50% لمدة اسوبع كامل من اليوم
عزووووووو
فتوح..ماتسيب الناس تفرح يا ساتر...واضح موضوع الكورة دة مش في بالك اساسا..بس نقول ايه فعلا..الناس بتلكك عشان تفرح..
شوفت يا عم فتوح الناس مبسوطين كلهم ازاي
يا أخي بلاش النظرة التشاؤمية دي
وبعدين والله يا صانعة الاحلام الموضوع ماله اي علاقة بان الواحد يكون مشغول بالكورة او مش في دماغة
واقرب مثال على ده هوا امي
امي ماتعرفش حاجة في الكورة ومش بتحبها كمان
بش عشان مصر ... حبت الكورة وبقت تدعي لكل اللاعيبة كمان وهي اساسا ماتعرفهومش
هي دي الافادة
احنا يا جماعة مش هناخد حاجة من الكاس
احنا هناخد الروح الطيبة والتجمع حوالين حاجة واحدة
بصراحة انا اصلا مش بتفرج على كورة بس الماتش كان تحفه حاجة تفرح بجد
ربنا يفرحك ويفرحنا كلنا كمان وكمان
أمين يارب
Post a Comment