Have Nice Times .
اصدقائي الاعزاء اهلا بيكم
ريلي اي مس يو توووو مطش
وربنا واحشني ... الواحد بقاله كتيير ماجاش هنا .... وأكيد انتوا ماجيتوش هاتيجوا تعملوا ايه يعني
محدش عارف الخير فين
المهم
كنت عايز عالسريع كده أتطمن عليكوا نفر نفر
قصدي واحد واحد بلغة الميكانيكية
عايز اعرف ايه اخباركوا
عاملين ايه في الاجازة ... وهل هي اجازة سعيدة ولا زي العادة
بس فيه حاجة خطيرة جدا انا اكتشفتها
السعادة اللي الواحد بيحس بيها اوقات دي وبعدين تروح ونقد نفتكرها ونقول دي كانت زكريات
ولا ذكريات ... مش عارف
المهم
الاوقات دي بأيدنا اننا نرجعها
ونرجع أحسن منها كمان ... بس ده بشرط واحد بس هوا اننا نكون عايزين كده ... عايزين نكون مبسوطين
كنت دايما زمان بقول ان السعادة دي حاجة نسبية ... زيادتها ونقصانها على حسب رضا البني ادم عن نفسه وعن سلوكه
ودلوقتي لسه بقول نفس الكلام بس الجديد اني اكتشفت أن الانسان ممكن يصل للسعادة المطلقة لو هوا عايز
وده لأن السعادة المطلقة دي في حد ذاتها حاجة نسبية تختلف من شخص لأخر
ايه اللخفنة دي ... انا كده مش فاهم انا بقول ايه اساسا
بس مش مشكلة ... محدش عارف الخير فين
نكمل
شوف لو انت مثلا زعلان قوي ومتضايق وحزين
لو انت حزين عشان حاجة تستاهل بجد ... لا قدر الله فقدت حد عزيز عليك ... لاقدر الله فشلت في حاجة
دي طبعا حاجات كلها صعبة وتستحق الحزن بس لفترة ما ... مش العمر كلة
بس حاول
حاول لو انت حزين من غير سبب كده غير ان انت اصابك باد موود فجأة كده ولقيت نفسك زعلان
حاول تفكر في انك ممكن تكون سعيد دلوقتي
وافتكر ان عمر ابن ادم ما هوا الا انفاس
يبقى نضيع عمرنا زعلانين
ولا نضيعه فرحانين ولا مبسوطين
أخيرا
أخير في الاخر يعني
مش عارف اقول ايه المفروض اني اقول حاجة بس مش لا قي حاجة اقولها
بس عالعموم مش مشكلة
من كل قلبي والله
Have Nice Times
No comments:
Post a Comment