World Time (عزبة الجربوعة)

Wednesday, July 23, 2008

في انتظار النتيجة

مطلعتش النتيجة وادينا قاعدين
مش عارفين هاتطلع امتى وفين
يارب استرها معانا داحنا غلبانين
ومش فاهمين وتعبانين
ومحدش عارف الخير فين

***

مش عارفين احنا رايحين فين
وهنعيد السنة تاني ولا معديين
وهنعدي صافي ولا شايلين
وياترى مادة واحدة ولا مادتين

***

يارب استرها معانا داحنا تعبانبن
وامتحانات السنة دي كانت جامدة حبتين
وساعات كنا بنروح مش مخلصين
وعشان مش فاهمين كنا بنطلع ملخبطين
واللي يسألنا نقوله احنا شايلين شايلين

***

يارب استرها معانا دا كلها يومين
وتطلع النتيجة ونبقى تايهين
مش عارفين نرّوح ولا نروح فين
وهانرّوح مبسوطين ولا مهمومين
وساعتها الفضيحة هاتبقى فضيحتين
يارب استرها معانا داحنا غلبانين
يارب استرها معانا داحنا تعبانين

أهداء الى كل من ينتظر النتيجة وخصوصا اصدقائي المهندسين المعذبون في الارض
حمادة أوبجكت


4 comments:

Anonymous said...

xالسلام عليكم
أولا حمدلله على سلامتى
وبعدين أزيك وأزى طنطا
وبعدين بقى عملت اية فى النتيجة بأذن الله تكون نجحت وصافى وبتقدير
ياله بقى علشان انا مروحة
وبعدين عايزين نشوف مواضيع تانية جديدة
شيماء خطاب

Hamada Object said...

وعليكم السلام ورحمة الله وبركاته

أولا : احنا مفتقدينك جدا الف تلتمية تمانية وخمسين حمدلة عالسلامة
اولا ونص : هوا حضرتك كنتي مسافرة ولا ايه ؟
ثانيا : انا الحمد لله تمام في حالة جيدة جدا مكنتش فيها من زمان وطنطا كلها بتسلم عليكي

ثالثا : النتيجة الحمد لله بس مش صافي وفيه تقدير بس متسأليش ازاي

حمادة أوبجكت

زرزور said...

mawdoo3 maskhara


we rbna yostor
m3lsh bktb e 3shan my keyboard is bayez


salam ya hobbi

Hamada Object said...

eshta ya man fynak ya ragel mn zmaaan , rebena ye2wem el keybord belsalama ....