يوم اليتيم

السلام عليكم ورحمة الله وبركاته

أزيكم يا اصدقائي الاعزاء كيف حالكم

مش عارف ليه النهارده بالذات حسيت أني عايز أقول الكلمتين دول

عايز أتكلم عن يوم اليتيم

يوم اليتيم ده يا خواننا ده انا بقيت بستناه كل سنة

مش عارف ليه ... بس بحس فسه اني مبسوط جدا

يمكن عشان بحس اني عملت حاجة وبقى ليا لازمة

ويمكن عشان بنبسط فيه جدا جدا جدا من كتر ما بلعب وأنسى نفسي وأعيش الطفولة البائسة الضائعة بتاعتي

ويمكن عشان ده وده

بس السؤال دلوقتي

نويتوا تعملوا ايه في يوم اليتيم

لازم أكيد هاتعملوا حاجة

ولا على أيه أغششكم

عند حضراتكم فوق على اليمين كده استطلاع للرأي بيقول

ناوي تعمل ايه في يوم اليتيم 4/4

وفيه أربع اجابات

أختار منها اللي يناسبك

تاني حاجة لا حظتها وكنت عايز أتكلم فيها

ان اخواتنا الايتام الاطفال الصغيرين بيتضايقوا جدا من موضوع يوم اليتيم ده

حتى ان بعض الناس (أو بمعنى أصح معظم الناس) بقوا بيتدارو عشان يقولوا يوم اليتيم

وبصراحة ... هي كلمة جارحة أوي لمشاعر اطفالنا الايتام

فأيه رأيكم لو غيرنا كلمة يوم اليتيم العربي

وخليناها يوم الطفل العربي

أشوفكم على خير

يوم 4/4

يوم الطفل العربي

في نادي طنطا

كرنفال الاطفال

أو في اي حتة تانية

السلام عليكم