World Time (عزبة الجربوعة)

Friday, September 12, 2008

copywrite

اصدقائي الأعزاء السلام عليكم ورحمة الله وبركاته
أزيكم عامملين ايه ... فينكم يا جماعة مش بتيجوا ليييييه
رمضان كريم وكل سنة وانتم طيبين ويا رب ينتهي الشهر ده واحنا كده ذنوبنا كلهل مغفورة ومعتقين من النار
مش عارف من حقي اسأل ولا لا عاملين ايه ياجماعة في رمضان ايه اخبار الطاعات هل فعلا بنستغل الفرصة دي صح ولا هنضيعها زي كتييييييير من الفرص اللي بتضيع
عالعموم ربنا يباركلنا في الفرصة دي وان شاء الله ماتضيعش من ايدينا وخلوني اخش في الموضوع اللي ليه علاقة بالفرصة دي الا وهوا حقوق الملكية الفكرية
وده عبارة عن قانون سمعت عنه (وانا اجهل الجاهلين بيه على فكرة) وشغلته انه بيحافظ على الافكار لأصحابها بمعنى ان مثلا انا لو (لاقدر الله يعني ) ابتكرت فكرة جديدة في حاجة معينة ماينفعش اي حد يجي ياخد فكرتي كده عالجاهز ..... لازم يدفع الاول وتبقى سيادتك نايم في بيتكم وعمال رصيدك في البنك يزيد لأنك ابتكرت فكرة جديدة وفيه حد تاني بيستخدمها وبيكسب وانت عمال تاخد نسبة من مكسبه لأنك صاحب الفكرة
ده ايه علاقتة بينا دلوقتي ... صبرك بس عليا وانا هقولك ... انا بقى اكتشفت حاجة جميلة جدا وحلوة جدا جدا وكل حاجة جدا جدا وهي ان عندنا في ديننا الاسلامي الجميل ده ربنا عمللنا قانون برضه شبه قانون الملكية الفكرية وده باين جدا في حديث النبي "من سن سنة حسنة فله أجره وأجر من عمل بها الى يوم القيامة " وبرضه "الدال على خير مثا فاعله في الاجر" اذن سعادتك دلوقتي مش هاتعمل حاجة غير انك تفكر في فكرة جديدة تخلي الناس تكسب ثواب وتنشرها للناس تقوم الناس تعمل بيها وتاخد ثواب تقوم انت كمان تاخد ثواب .... قد ايه يارب انت كريم وعظيم
بقى بذمتكم فيه كده .... لا وأيه شوفت النبي وهو بيقول "الى يوم القيامة" يعني سيادتك هتفضل تاخد الثواب حتى بعد ماتموت ....... سبحان الكريم
دي دعوة مني لكل الناس فكروا وانشروا افكاركم وانشروا الفكرة دي ذات نفسها هتاخدوا ثواب عظيييييييم جدا
وعشان اسبقكوا واكون اول واحد يعمل كده عندي ليكم فكرة بسيطة جدا جدا بس عظيمة جدا جدا
النبي صلي الله عليه وسلم بيقول من فطر صائما كان له مثل اجره دون ان ينق من اجر الصائم شيئا
كل اللي المطلوب من حضرتك هوا
ا - نص كيلوا تمر ويا سلام بقى لو من اللي انت بتاكله
ب - اربع خمس زجاجات من الماء من الحنفية

وتنزل على اقرب شارع ساعة اذان المغرب تدي لكل واحد تمرتين تلاتة وتشربه ماية
وتعالى نحسب .... عن تجربة الكمية اللي ذكرتها دي ممكن تفطر من 15 ل20 فرد يبقى سيادتك أخدت قد ايه ؟؟؟؟؟؟؟؟؟؟؟؟ ولو نشرت الفكرة دي وواحد عملها يبقى هتاخد قد ايه ؟؟؟؟؟؟ وانا بقى هاخد قد ايه ؟؟؟؟؟؟؟؟؟ واعي للمصلحة
انا بدعي ربنا ان نكون استفدنا من الفكرة دي وربنا يكرمنا بيها ويعزنا ان شاء الله

12 comments:

فتوح أبو المفاتيح said...

سلااام عليكم
كل عام وانت بخير
فينك يا راجل من زمان
كل سنة وانت طيب
واحشني جدا
بس إن شاءاالله هشوفك بكرا
:)
فكرتك حلوة جدا
بجد جزاك الله خيرا عنها
ويارب نلاقي ناس كتير تعمل كدا
وخصوصا ان في القاهرة قلة جدا
اللي بيعلملو كدا
خير خير خير

بقولك
بص كدا على مدونتي الجديدة
هتعجبك اوي
اسمها
آية اليوم
سلاااااااااااام

Hamada Object said...

حبيب قلبي فتوووووووح والله ياسيدي انت واحشني ونفسي اشوفك كده وأقعد اتكلم معاك كتيييييييييييير زي زمااااااااااااان .... فين ايام زمان بقى .... بس لازم نتقابل بجد والله

وبعدين ايه ده هوا المدونة الرائعة بتاعت ايه اليوم دي بتاعتك والله ياسيدي تصدق اني كنت فاكرك بتنقلهالي كده بس من باب الخير يعني بس عالعموم جزاك الله خير وانا كمان هنقلها عشان اخد ثوابها بس مين قدك يا عم انت اللي معاك حقوق الملكية الفكرية

محدش عارف الخير فين بقى

المتبهـدلـون فـي الأرض said...

كل عم وانت الى الله اقرب


فكرة جميلة وطبعا الإسلام قدم لنا كل الراحة والشفاء لتناسبه مع الفطرة




سلام يا حبي ...ألقاك قريب

زرزور said...

كل عام انت الى الله أقرب يا حبي
والسنة الجاية تكون هنا او هناك ....مش فارقه وماحدش عارف الخيش فين؟؟

بـلاش تولدينــي said...

اللهم أحينا وأمتنا على الإسلام وثبت قلوبنا على الطريق الصح طريق الإيمان



...دعوتين كده وأنا داخل

أخبارك إيه يا هندسة

سلام عليكم

Hamada Object said...

مش عارف ليه يا خواننا حاسس كده ان فيه نووووووووووووووور

بجد وربنا المدونة منوووووووووووووورة خالص .... انا كده هالغي فكرة فرعين النور اللي كنت هاركبهم في العيد يادي الهنا ويادي النور ربنا يخليكم جميعا

المتبهدلون في الارض .... جزاك الله خيرا وعلى مدونتك زي الفل

زرزوووور .... المفروض ان محدش عارف الخير فين لأن الخيش ده موجودد في كل حتة واحنا عندنا شوية لو عايز هههههههه

بلاش تولديني .... مش عارف اقول ايه انت جبت الخلاصة خلااااااص

بجد شكرا ليكم وربنا يهدي الجميع الى الطريق المستقيم

محدش عارف الخير فين

أحمد عمارة said...

محدش عارف الخير عندي ولاّ عند الغير .. ولاّ إيه يا أمير ؟

Hamada Object said...

الللله ايه التحريف ده بقى .... يلا محدش عارف الخير ـــــــــ
عالعموم منورنا يا سيادة الباشا وكل سنة وانت طيب

3laa said...

أنا بصراحه أول مره أقرأ لسعادتك بس بصراحه عجبني إسلوبك وطالما آراء الناس هي مرايتك فما تزعلش من نقدي ليك وأنا أعتقد إن المفروض بدل copy write تكون copy right والله أعلي وأعلم

وعلي فكره إحنا جيران قريبين أوي من بعض
أخوك علاء من ......

Anonymous said...

Hello! I'm newbie in Internet, can you give me some useful links? I know only about Yahoo [url=http://yahoo.com]Yahoo[/url] http://yahoo.com Yahoo

Hamada Object said...

علاء باشا
كل اللي تقوله ماشي ... ياعم دانتا حتى طلعت من ــــــ يعني تبعنا يعني ومحدش يقدر يتكلم معاك

Hamada Object said...

hi unknown person,
its great honor for me to start browsing net from here but i thing you need the google (www.google.com) searsh engine to start browse the net in this page uoy can search about any thing and evry thing